einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage479 sô nim ich dicke bilde;doch ist ez mir noch wilde wie ez dar umbe stê. der selbe zwîvel tuot mir wê, herze, als dû vil wol weist.484 waz gewirretz dir ob dû mirz seist? ›Lîp, ich wil ez gerne sagen, wan ich möht ouch ze lange dagen. lîp, ich bite dich durch got daz dû lâzest dînen spot489 und gebiut dînem munde hie ze dirre stunde daz er stille gedage unde lâze sîne klage einem man den ir nôt ane gê.494 mir tuot dîn lürzen vil wê, dû tuost mir maniger slahte leit. ez ist eht wâr daz man mir seit: swâ der schade sî, dâ wone der spot vil ofte bî.499 daz ist an mir wol worden schîn: |