einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1102 der vil sælige man,vil wol gehielt er im daz, dêswâr er enmöhte baz, wande erz ze gewinne kêrte unz er imz wol gemêrte.1107 Der arme vischære niht enliez er entæte als in sîn herre hiez. dô im der mitte tac kam, daz kint er an den arm nam: sîn wîp gie im allez mite1112 nâch gebiurlîchem site ze klôster, dâ er den abbet sach under sînen bruodern. er sprach: 'herre, iu sendet diz kint, liute die iu willic sint,1117 mîns bruoder tohter und ir man, und geloubent starke dar an, ob ir ez selbe toufet, dem kinde sî gekoufet dâ mite ein sæligez leben,1122 und geruochet im iuwern namen geben.' |