einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1305 'wâ ist er nû?' 'bî jenem sê.''wê mir armer, wê! er tumber gouch vil betrogen! hân ich daz an im erzogen daz er mir bliuwet mîniu kint,1310 sô wol gevriunt sô si hie sint? dînen vriunden zimet daz niht wol daz ich diz laster dulden sol von einem sô gewanten man der nie mâge hie gewan.1315 daz dich tar gebliuwen der der sich hât verrunnen her, daz ist mir iemer ein leit. wan daz man imz durch got vertreit, man dulte ez unlange vrist.1320 jâ enweiz nieman wer er ist. [und ist daz ich nû leben sol, ich sagez al der werlde wol daz er ein vuntkint ist (sô helfe mir der heilige Krist),1325 swie hôhe er nu sî gesezzen. |