Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

874 möhte er vil wol sîn bekomen
      derz phantreht solde hân genomen.
      dâ wart vil manec gebot geleit
      und dem ein widergelt geseit.
      ir ietweder woldez lâzen:
879 wan dem wære verwâzen
      beidiu sîn êre und ouch daz leben.
      dar nâch sô wart daz spil gegeben
      mit manegem viurînen slage
      von vruo unz hin nâch mittem tage,
884 daz in der gebote zeran
      sô sêre daz die zwêne man
      muoden begunden:
      si enmohten noch enkunden
      ir mit kreften niht gelegen
889 noch die arme alsô geregen
      als si tâten unze dar.
      nû hâten si sich alsô gar
      erwüetet und ervohten
      daz si niht mêre mohten.
894 ir slege wîplîchen sigen:
[ zurück ]