einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1753 guote vreude dar abevon hôher geburt, von rîcher habe, der er ê niht enweste. dô sprach der triuwen veste der sîn herre was gewesen:1758 'sun, nû hâstû wol gelesen daz ich dich unz her hân verdaget: dîn tavel hât dirz wol gesaget. nû hân ich mit dînem golde gebâret als ich solde1763 nâch dîner muoter gebote: ich hân dirz in gote gemêret harte starke. vünfzic und hundert marke hân wir dir gewunnen,1768 swie übele wirz kunnen, von sibenzehen sît den stunden daz wir dich êrste vunden. ich gap in drî und niht mê die dich mir brâhten abe dem sê.1773 alsus vil ist dîner habe: |