Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3922 'vrouwe, daz mac wol geschehen:
        sît daz ir in sehen welt,
        sô ist unnôt daz ir des twelt.
        vil liebiu muoter, sehet mich an:
        ich bin iuwer sun und was iuwer man.
3927 swie grôz und swie swære
        mîner sünden last wære,
        des hât nû got vergezzen
        und hân alsus besezzen
        disen gewalt von gote.
3932 ez kam von sînem gebote
        daz ich her wart erwelt:
        alsus hân ich im geselt
        beidiu sêle unde lîp.'
         Sus wart daz gnâdelôse wîp
3937 ergetzet ir leides gar.
        got samente si wunderlichen dar
        ze vreuden in beiden.
        sus wâren si ungescheiden
        unz an den gemeinen tôt.
3942 als ir Grêgôrius gebôt
[ zurück ]