einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich106 nû sehet wie unser lachen mit weinenne erlischet. unser süeze ist gemischet mit bitterer gallen. unser bluome der muoz vallen 111 so er aller grüenest wænet sîn. an hern Heinrîche wart wol schîn: der in dem hœhsten werde lebet ûf dirre erde, derst der versmâhte vor gote. 116 er viel von sînem gebote ab sîner besten werdekeit in ein smæhlîchez leit: in ergreif diu miselsuht. dô man die swæren gotes zuht 121 ersach an sînem lîbe, manne unde wîbe wart er dô widerzæme. nû sehet wie genæme er ê der werlte wære, 126 er wart nû als unmære, |