einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1471 als ie die liute tâten dâ si solden râten. ir rât was sô mislich. dô sprach der herre Heinrich: >iu ist allen wol kunt 1476 daz ich vor kurzer stunt was vil ungenæme, den liuten widerzæme. nu enschiuhet mich man noch wîp; mir hât gegeben gesunden lîp 1481 unsers herren gebot. nû râtet mir alle durch got, von dem ich die genâde hân die mir got hât getân, daz ich gesunt worden bin, 1486 wie ichz verschulde wider in.< si sprâchen: >nemet einen muot daz im lîp unde guot iemer undertænic sî.< sîn trûtgemahel stuont dâ bî 1491 die er vil güetlich ane sach. |