einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich806 sô lâzet mich kêren zunserm herren Jêsû Krist, des gnâde alsô stæte ist daz si niemer zegât, und ouch zuo mir armen hât 811 alsô grôze minne als zeiner küniginne. Ich sol von mînen schulden ûz iuweren hulden niemer komen, wil ez got. 816 ez ist gewisse sîn gebot daz ich iu sî undertân, wan ich den lîp von iu hân; daz leiste ich âne riuwe. ouch sol ich mîne triuwe 821 an mir selber niht brechen. ich hôrte ie daz sprechen: swer den andern vreuwet sô daz er selbe wirt unvrô und swer den andern krœnet 826 und sich selben hœnet, |