Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

228 wan ez niht reht wære,
      engultens alle sament mîn.'
      dô sprach diu guote künegîn
      'herre Kâlogrenant,
      nû ist iu selbem wol erkant,
233 und sît erwahsen dâ mite,
      daz in sîn bœse site
      vil dicke hât entêret
      und daz sich niemen kêret
      an deheinen sînen spot.
238 ez ist mîn bete und mîn gebot
      daz ir saget iuwer mære;
      wandez sîn vreude wære,
      heter uns die rede erwant.'
      dô sprach Kâlogrenant
243 'Swaz ir gebietet, daz ist getân.
      sît ir michs niht welt erlân,
      so vernemet ez mit guotem site,
      unde mietet mich dâ mite:
      ich sag iu deste gerner vil,
248 ob manz ze rehte merken wil.
[ zurück ]