einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5342 nû riten wider ûf indie zwêne die noch werten, und pflâgens mitten swerten als guote rîter solten. daz wart in wol vergolten,5347 wande ie sîn eines slac vaste wider ir zwein wac. er bedorfte wol kraft unde wer: wan zwên sint iemer eines her. Die juncvrouwen bâten alle got5352 daz er sîn gnâde und sîn gebot in ze helfe kêrte, und ir kempfen êrte, daz er in ze trôste ir gespiln erlôste.5357 nu ist got sô gnædec und sô guot und sô reine gemuot daz er niemer enkunde sô manegem süezen munde betelîchiu dinc versagen.5362 ouch enwâren sî niht zagen |