Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5342 nû riten wider ûf in
        die zwêne die noch werten,
        und pflâgens mitten swerten
        als guote rîter solten.
        daz wart in wol vergolten,
5347 wande ie sîn eines slac
        vaste wider ir zwein wac.
        er bedorfte wol kraft unde wer:
        wan zwên sint iemer eines her.
         Die juncvrouwen bâten alle got
5352 daz er sîn gnâde und sîn gebot
        in ze helfe kêrte,
        und ir kempfen êrte,
        daz er in ze trôste
        ir gespiln erlôste.
5357 nu ist got sô gnædec und sô guot
        und sô reine gemuot
        daz er niemer enkunde
        sô manegem süezen munde
        betelîchiu dinc versagen.
5362 ouch enwâren sî niht zagen
[ zurück ]