Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1437 und daz si dannoch niht ensî
        vor des tiuvels banden frî, -
        daz ich den ungetriuwen muot,
        dâ mite an wîben missetuot
        durch sînen valsch vil manic man,
1442 wider sî noch nie gewan."
        Ich het ie einen gedanc
        sît daz mich ir gewalt betwanc,
        ob ez mir sô wol ergienge
        daz sî mîn gnâde gevienge,
1447 daz ich sô gar in ir gebote
        wolde leben daz ich nâch gote
        niht liebers enhæte.
        würde ich dar an unstæte,
        da enverlüre nieman an wan ich.
1452 zewâre, jâ enbin ich
        iedoch mîn selbes vîent niht,
        ob mir liep von ir geschiht,
        daz ich mir gerne enphremde guot:
        daz wirdet doch vil wol behuot.
1457 Ouwê, waz hân ich getân!
[ zurück ]