Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2586 ir sult mir volgen âne zorn
        daz wir der rede hie gedagen:
        ich enmac iu vürbaz niht gesagen.'
         Sus antwurte im diu vrouwe dô:
        'der rede enist niht, herre, alsô.
2591 jâ ensæhe ich den man
        weizgot niemer lachende an,
        der mir von iu iht sagete
        daz iu niht behagete:
        er envunde hie niht guot antwurt.
2596 jâ vürhte ich, iuwer geburt
        diu sî mir alze genôzsam.'
        die tavel si her vür nam,
        si sprach: 'sît ir der man
        (dâ enhelt mich niht an)
2601 von dem hie an geschriben stât,
        sô hât uns des tiuvels rât
        versenket sêle unde lîp:
        ich bin iuwer muoter und iuwer wîp.'
         Nû sprechet wie dô wære
2606 dem guoten sündære.
[ zurück ]