Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4956 dô sprach der sî dâ trôste,
        der rîter der des lewen pflac
        'deiswâr, herre, ob ich mac,
        ich ledige unser gesellen.
        got sol disen vellen:
4961 er ist ein unbescheiden man.
        mich sterket vaste dar an
        iuwer reht und sîn hôchvart,
        daz diu ie sô grôz wart.
        ern kan sich lasters niht schamen,
4966 daz ers ir geburt unde ir namen
        niht enkan geniezen lân,
        swaz sî im joch hæten getân.
        ichn sol kein rîter schelten:
        iedoch muoz er engelten
4971 sîner ungewizzenheit.
        deiswâr, mac ich, ez wirt im leit.'
         Er hete in kurzen stunden
        den helm ûf gebunden
        und was vil schiere gereit:
4976 daz lêrt in diu gewonheit.
[ zurück ]