Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3137 daz si vorhte werden weise
        des aller liebisten man
        den ie vrouwe gewan,
        wan ez stuont im angestlîchen.
        waz möhte sich gelîchen
3142 sô nâhen gânder riuwe
        die si von ir triuwe
        durch ir mannes liebe leit?
        dô si in selhem zwîvel reit,
        ob si imz torste gesagen
3147 oder solde gedagen,
        nû redete si in ir muote:
        "rîcher got der guote,
        ze dînen genâden suoche ich rât:
        dû weist al eine wiez mir stât.
3152 mîner sorgen der ist vil,
        wan mir ein unsenftez spil
        in einer alsô kurzen vrist
        ze gâhes vor geteilet ist.
        nû enkan ichz wægeste niht ersehen:
3157 waz sol mir armen geschehen?
[ zurück ]