Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7781 Dô hern Îwein wart gegeben
        kraft und gesundez leben,
        noch wâren im die sinne
        von sîner vrouwen minne
        sô manegen wîs ze verhe wunt,
7786 in dûhte, ob in ze kurzer stunt
        sîn vrouwe niht enlôste
        mit ir selber trôste,
        sô müesez schiere sîn sîn tôt.
        in twanc diu minnende nôt
7791 ûf disen gæhen gedanc.
        'ich trîbez kurz ode lanc,
        sone weiz ich wiech ir minne
        iemer gewinne,
        wan daz ich zuo dem brunnen var
7796 und gieze dar und aber dar.
        gewinne ich kumber dâ von,
        sô bin ich kumbers wol gewon
        und lîd in gerner kurzer tage
        danne ich iemer kumber trage.
7801 doch lîd ich kumber iemer mê,
[ zurück ]