einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1651 nû hât si ir kunst und kraft an mich geleit,wan sî mir senfte erbunde, als ir wære niht ze leit ob ich gar verswunde; wan sî mir alsô an gestreit1656 daz sich mîn herze enzunde. nâch dir, frouwe gemeit, brinnet ez von grunde. des solt dû nemen mînen eit, gelouben mînem munde.1661 mîn gedanc ist nâch dir breit: ob mich dîn gnâde enbunde, ich wære dir iemer bereit swes ich gedienen kunde. mir erban der die kristenheit1666 vil gerne verslunde, swære die mîn herze treit, ob diu an mir erwunde. von ungelücke nieman seit der des nie befunde:1671 unheil mir über den wec schreit |