Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

868 sô lebete ich mit gemache nû,
      wan ich an ganzem sinne
      doch niht mê gewinne
      wan nôt unde ungemach.
      ouwê daz ich daz ie gesprach!
873 daz muoz mich entriuwen
      iemer mêre geriuwen.
      wie solde ein herze verzagen?
      jâ muoz ich ez iemer klagen
      daz ie dehein bœser wanc
878 kæme in mînen gedanc.
      ich wære dar an stæte,
      ob ich tugent hæte.
      doch hât ez mich gerûwen sô fruo
      daz ich ez noch widertuo;
883 wan swenne ich gewenke dar an,
      so gehazze mich wîp und man,
      ich enwelle nâch êren ringen,
      swie vil ich des mac bringen.
      Ich wæne dich gevürdert hân.
888 dû maht ez ûz dem muote lân
[ zurück ]