einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7119 dâ er si bewart westeze vollem gemache. von aller guoten sache sô was daz selbe hûs vol, rehte als ich iu sagen sol. 7124 ez stuont enmitten in einem sê: der gap im genuoc und dannoch mê der aller besten vische die ie ze küneges tische dehein man gebrâhte, 7129 swelher hande man gedâhte. dar zuo was dâ daz beste jaget dâ von uns ie wart gesaget. ez hete der künec umbe den sê wol zwô mîle oder mê 7134 des waldes in gevangen und mit mûre umbegangen: dar in gienc dehein tor mê niuwan ûz gegen dem sê. mit mûre was der selbe kreiz, 7139 als ich iu ze sagen weiz, |