Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

749 würde ez iemer ze man,
      daz er læse daran
      alle dise geschiht,
      sô überhüebe er sich niht,
      unde würde er alsô guot
754 daz er ze gote sînen muot
      wenden begunde,
      sô buozte er zaller stunde
      durch sîner triuwen rât
      sînes vater missetât,
759 und daz er ouch der gedæhte
      diu in zer werlde bræhte:
      des wære in beiden nôt
      vür den êwigen tôt.
      im wart dâ niht benant
764 weder liute noch lant,
      geburt noch sîn heimuot:
      daz was ouch in ze helne guot.
       Dô der brief was gereit,
      dô wart diu tavele geleit
769 zuo im in daz kleine vaz.
[ zurück ]