Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

621 die wîle daz er leben sol,
       sô stât unser sache wol;
       und lâze wir den ersterben,
       sô müeze wir verderben.
       den wil ich uns vristen
626 mit alsô schœnen listen
       dâ mite wir alle sîn genesen.
       nû gunnet mirs, wan ez muoz wesen.<
       Diu muoter weinende sprach,
       dô si der tohter ernest ersach:
631 >gedenke, tohter, liebez kint,
       wie grôz die arbeite sint
       die ich durch dich erliten hân,
       und lâ mich bezzern lôn emphân
       dan ich dich hœre sprechen.
636 dû wilt mîn herze brechen.
       senfte mir der rede ein teil.
       jâ wiltû allez dîn heil
       an uns verwürken wider got.
       wan gedenkestû an sîn gebot?
641 jâ gebôt er unde bater
[ zurück ]