Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2567 er was iedoch vil unervorht.
        enheten sîn zunge niht verworht,
        son gewan der hof nie tiurern helt.
        daz mugent ir kiesen, ob ir welt,
        bî sînem ampte des er pflac:
2572 sîn hete anders niht einen tac
        geruochet der künec Artûs
        ze truhsæzen in sînem hûs.
         Nû wârens under in beiden
        des willen ungescheiden:
2577 ir ietweder gedâhte sêre
        ûf des andern êre:
        ir gelinge was ab mislîch.
        diu tjost wart guot unde rîch,
        und der herre Keiî,
2582 swie bœse ir wænet daz er sî,
        er zestach sîn sper unz an die hant.
        dâ mite wart ouch er gesant
        ûz dem satel als ein sac,
        daz ern weste wâ er lac.
2587 done wolder im niht mêre
[ zurück ]