einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6545 Nû giengen sî ouch ezzen,und enwart des niht vergezzen, sî enbuten dem gaste volleclîchen vaste alsô grôze êre6550 daz ez nie wirt mêre sînem gaste baz erbôt. des was er wert und was im nôt. dâ was mit volleclîcher kraft wirde unde wirtschaft.6555 Dar under gedâhter iedoch 'ez vert allez wol noch: nû vürht ich aber vil sêre daz ich dise grôze êre vil tiure gelten müeze6560 (der antfanc ist ze süeze), als mir der arge schalc gehiez der mich in die burc liez, des wirtes portenære, unde ouch nâch dem mære6565 als mir die vrouwen hânt gesaget. |