Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

696 was grimme und alsô herte
      daz ich des wânde ez wære ein her.
      iedoch bereite ich mich ze wer.
      sîn ors was starc, er selbe grôz;
      des ich vil lützel genôz.
701 sîn stimme lûte sam ein horn:
      ich sach wol, im was an mich zorn.
      als ab ich in einen sach,
      mîn vorhte und mîn ungemach
      wart gesenftet iedoch,
706 und gedâhte ze lebenne noch,
      und gurte mînem orse baz.
      dô ich dâ wider ûf gesaz,
      dô was er komen daz er mich sach.
      vil lûte rief er unde sprach,
711 dô er mich aller verrest kôs
      'rîter, ir sît triuwelôs.
      mirn wart von iu niht widerseit,
      und habent mir lasterlîchez leit
      in iuwer hôchvart getân.
716 nu wie sihe ich mînen walt stân!
[ zurück ]