einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage121 Friunt, wan ich die niht schelten solder al diu werlt sprichet wol, sô sagete ich ze mære daz sî diu wirsest wære der ich ie künde gewan,126 wan si mir ir guotem friunde erban daz ich vil gar âne ir schaden mîner swæren bürde würde entladen, und mich in ir dienest næme als guotem wîbe wol gezæme,131 und mit urloube gedæhte an sî. nû ist der gedanc alsô frî daz sî mir den niht weren mac, ich ensî ir heimlich allen tac alsô mit gedanken ein man136 einem wîbe beste kan. wan swaz mit werken mac ergân, daz hân ich mit gedanke getân, daz doch ir êren wol gezimet; mîn muot im sîn niht fürbaz nimet.141 daz ist doch mîn freude gar |