Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1127 umbe den selben geiselslac
        schiet er vor leide
        von mir ûf der heide.
        er sprach: "geloubet, vrouwe mîn,
        ich wil iu immer vremde sîn
1132 ze Britanje in dem lande,
        ichn gereche mîne schande.
        und ob ich mich errechen mac,
        sô kum ich über den dritten tac."
        herre, der ist morgen.
1137 gedingen unde sorgen
        hân ich umbe den jungelinc,
        wie nû stên sîniu dinc.
        ich enmohte in nie erwenden.
        got welle in uns senden.
1142 geselle, nû bite ich dich
        durch sîne liebe und durch mich
        daz dû dîns rehtes niht nemest
        ê daz dû danne vernemest
        wie im sîn dinc ergangen sî.
1147 mir wære liep, er wære ouch bî.
[ zurück ]