einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1135 wan daz ich mich weste des herzen alsô veste daz ich ez wol mac dulden. mir ist, bî iuwern hulden, diu brœde vorhte gar benomen 1140 und ein sô vester muot komen daz ich als angestlîchen stân als ich ze tanze süle gân; wan dehein nôt sô grôz ist diu sich in eines tages vrist 1145 an mînem lîbe genden mac, mich endunke daz der eine tac genuoc tiure sî gegeben umbe daz êwige leben daz dâ niemer zegât. 1150 iu enmac, als mîn muot stât, an mir niht gewerren. getrûwet ir mînem herren sînen gesunt wider geben und mir daz êwige leben, 1155 durch got, daz tuot enzît. |