Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5955 daz er hie langer wolde wesen.
        er und sîn lewe sint wol genesen.
        sî lâgen hie beide sêre wunt:
        nû varent sî vrô und wol gesunt.
        welt ir in schiere errîten,
5960 sone sult ir ouch niht bîten.
        setzet iuch rehte ûf sîne slâ:
        und gerâtet ir im rehte nâ,
        sô habt ir in vil schier erriten.'
        done wart niht langer dâ gebiten:
5965 sine mohte zeltens niht gehaben,
        si begunde schiuften unde draben,
        unz daz sî in ane sach.
        sô liebe als ir dar an geschach,
        als liebe müeze uns noch geschehen,
5970 daz wir uns alse liebe gesehen.
         Si gedâhte in ir muote
        'rîcher got der guote,
        wie sol ez mir nû ergân,
        sît ich den man vunden hân?
5975 nû hân ich michel arbeit
[ zurück ]