Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1603 ir wîplîche triuwe
        und ir senlîche riuwe,
        dô minnet er sî deste mê,
        und im wart nâch ir alsô wê
        daz diu Minne nie gewan
1608 grœzern gewalt an deheinem man.
        er gedâhte in sînem muote
        'ei herre got der guote,
        wer gît mir sô starke sinne
        daz ich die sô sêre minne
1613 diu mir zem tôde ist gehaz?
        od wie möhte sich gevüegen daz
        daz sî mir gnædec würde
        nâch alsô swærer bürde
        mîner niuwen schulde?
1618 ich weiz wol daz ich ir hulde
        niemer gewinnen kan:
        nû sluoc ich doch ir man.
         Ich bin ouch ze sêre verzaget,
        daz ich mir selbe hân versaget.
1623 nû weiz ich doch ein dinc wol,
[ zurück ]