Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4103 'nû nennet mir die drî man
        die iuch mit kampfe sprechent an:
        und nennet mir danne mê
        die zwêne umbe diez sô stê,
        der ietweder sô vrum sî
4108 daz er eine væhte wider drî.'
        sî sprach 'ich nennes iu alle wol.
        die drî der gewalt ich dol,
        der ein ist truhsæze hie,
        und sîne bruoder, die mir ie
4113 wâren nîdec und gehaz,
        wand mich mîn vrouwe hâte baz
        dan sî mir des gunden,
        und hânt si des überwunden
        daz sî nû wol übersiht
4118 swaz mir leides geschiht.
        dô mîn vrouwe ir man nam,
        der ir nâch wâne wol gezam
        und sî dar nâch niht wol enlie,
        dô begâben sî mich nie
4123 mit tägelîcher arbeit,
[ zurück ]