Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

213 swenne sî bekante daz
      daz ich ir noch nie vergaz
      eines halben tages lanc,
      sî sagete mir sîn etelîchen danc.
      Nû ist ez leider ein slac
218 daz ein wîp niht wizzen mac
      wer sî mit triuwen meinet.
      ouch ist in bescheinet
      von mannen dicke selher list
      der uns von rehte schade ist,
223 swaz man in mit eiden ie gehiez,
      daz man des lützel wâr liez;
      dâ von unsanfte ein wîp getar
      ir êre wâgen alsô gar
      ûf selhe ungewisheit.
228 der zwîvel tuot den mannen leit,
      wan sî fürhtent daz ez ergê
      alsô dâ vor vil maniger ê
      diu ouch ûf stæter minne wân
      mit grôzer forhte hete getân
233 des ir geselle hete gegert,

[ zurück ]