Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1070 daz mich daz unheil bestât
        daz mir dâ niht gelingen sol,
        dannoch tuot mir daz vil wol
        daz ich dienesthaft belîbe
        einem alsô schœnen wîbe;
1075 ich lebe ir gerne mîniu jâr.
        jâ trœstet mich baz, daz ist wâr,
        ein vil ungewisser wân
        den ich zuo ir minne hân
        danne ein alsô swachez heil
1080 des ich ze mâze würde geil.
        ouch gewinne ich mê dar an,
        swaz ich mac oder kan,
        daz ich mich durch sî vlîzen sol
        ze tuonne rehte unde wol
1085 und valsches durch sî âne bin.
        vil gerne ich allen mînen sin
        wende ze guote
        und hân alle wege huote
        daz ich iemer missetuo,
1090 mich enverleite dan dar zuo
[ zurück ]