Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1381 Ze gote huop diu vrouwe ir zorn.
        sî sprach 'herre, ich hân verlorn
        vil wunderlîchen mînen man:
        dâ bistû eine schuldec an.
        dû hetest an in geleit
1386 die kraft und die manheit
        daz im von gehiuren dingen
        nie mohte misselingen.
        ez ist niuwan alsô komen:
        der im den lîp hât genomen,
1391 daz ist ein unsihtic geist.
        got herre, wie wol dû weist,
        swer ez anders wære
        niuwan ein zouberære,
        des heter sich vil wol erwert.
1396 im was eht dirre tôt beschert.
        diz hœret er und ist uns bî.
        nû kieset hie wie küener sî:
        sît er mînen herren hât erslagen,
        wie mac er dar an verzagen
1401 ern lâze sich ouch ein wîp sehen?
[ zurück ]