Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1129 und als er daz kint ersach,
        vor sîner bruoderschaft er sprach:
        'ez ist ein sô schœne kint:
        sît si des gotes hûses sint,
        dêswâr wir suln inz niht versagen.'
1134 daz kint hiez er ze toufe tragen.
        er huop ez selbe und hiez ez sus
        nâch sînem namen, Grêgôrius.
         Dô daz kint die toufe emphie,
        der abbet sprach: 'sît ich nû hie
1139 sîn geistlich vater worden bin,
        durch mînes heiles gewin
        sô wil ich ez iemer hân
        (ez ist sô sæliclich getân)
        vil gerne an mînes kindes stat.'
1144 vil minneclichen er dô bat
        den sînen vischære
        daz er sîn vlîzic wære.
        er sprach: 'nû ziuch mirz schône,
        daz ich dirs iemer lône.'
1149 daz kint hulfen starke
[ zurück ]