Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

372 mit samîte bezogen,
      dem daz golt was unerlogen,
      daz daz bette ein man nie möhte erwegen
      und selbe vierde müeste legen,
      unde dar über gebreit
377 nâch grôzer herren werdekeit
      kulter von zendâle,
      rîche und gemâle,
      diu wâren bî dem viure
      des âbendes vil tiure.
382 si geleisten wol ein reine strô:
      dar über genuocte si dô
      eines bettes âne vlîz,
      daz bedahte ein lîlachen wîz.
      ouch was dâ ritters spîse:
387 swes ein man vil wîse
      möhte in sînem muote
      erdenken ze guote,
      des heten si die überkraft
      und volleclîche wirtschaft,
392 doch mans ûf den tisch niht truoc.
[ zurück ]