Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2570 herre, ir sult mir des verjehen
        von wannen ir geborn sît.
        ez wære ê gewesen zît
        der vrâge die ich nû begân:
        ich wæne ich si verspætet hân.'
2575 'Vrouwe, ich weiz wol waz ir klaget:
        iu hât etewer gesaget
        daz ich sî ein ungeborn man.
        weste ich wer iuch dar an
        alsus geleidet hæte,
2580 ezn gelægen mîne ræte
        niemer unz ûf sînen tôt:
        nû hel sich wol, des ist im nôt.
        swer er ist, er hât gelogen:
        ich bin von einem herzogen
2585 vil endelichen geborn.
        ir sult mir volgen âne zorn
        daz wir der rede hie gedagen:
        ich enmac iu vürbaz niht gesagen.'
         Sus antwurte im diu vrouwe dô:
2590 'der rede enist niht, herre, alsô.
[ zurück ]