einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec503 mit rosse bin ich wol geriten:sô soldet ir mich lân rîten mit iuwer tohter Ênîten ûf die selben hôchzît. ich behabete den strît 508 daz si schœner wære und næme den sparwære dan des ritters vriundîn. nû sehet ob ez müge sîn und tuotz ûf daz gedinge, 513 ob mir alsô gelinge daz mir der sige belîbe, sô nim ich si ze wîbe. dar umbe durfet irz niht lân, si enhât an mir niht missetân, 518 ez mac wol mit êren sîn. ich künde iu den vater mîn: der ist der künec Lac genant. beide liute unde lant, lîp und allez daz ich hân 523 mache ich ir undertân, |