Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9678 mit heile müezest werden alt!"
        hie was diu wünne manecvalt.
        ouch enwas zuo den zîten
        der schœnen vrouwen Ênîten
        herzenleides niht geschehen.
9683 des swer ich wol und wil es jehen
        daz disen vrouwen beiden
        ir gemüete was gescheiden,
        diu under der pavelûne saz
        unde dirre der dâ baz
9688 an dem strîte gelanc:
        in sweic der munt, ir herze sanc.
        diu eine vreuden krône truoc,
        diu ander hâte leides genuoc
        geladen mit herzensêre
9693 dâ von daz si niht mêre
        in dem boumgarten solde sîn
        und ir âmîs Mâbonagrîn.
        ouch want si die hende
        umbe selhe missewende
9698 diu ir manne dô geschach.
[ zurück ]