Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

1807 'dû tobest, ode ez ist dîn spot.
        und kêrte unser herre got
        allen sînen vlîz dar an,
        ern gemachte niemer tiurern man.
        dâ von sol sich mîn senediu nôt,
1812 ob got wil, unz an mînen tôt
        nimer volenden:
        den tôt sol mir got senden,
        daz ich nâch mînem herren var.
        dû verliusest mich gar,
1817 ob dû iemer man gelobest
        neben im: wan dû tobest.'
         Dô sprach aber diu maget
        'iu sî doch ein dinc gesaget,
        daz man iedoch bedenken sol,
1822 ir vervâhetz übel ode wol.
        ezn ist iu niender sô gewant,
        irn wellet iuwern brunnen und daz lant
        und iuwer êre verliesen,
        sô müezet ir etewen kiesen
1827 der iun vriste unde bewar.

[ zurück ]