Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3191 Nu enweste ir deweder niht
        umbe dise geschiht
        daz in diu rede beiden
        des nahtes wart bescheiden,
        unz si zesamene kâmen
3196 und ez under in vernâmen.
        und als si getâten
        als si vernomen hâten,
        dô einer sîne rede gesprach
        und der ander mite jach,
3201 do geloubten Rômære
        vil gerne disiu mære:
        ze gote wâren si vil vrô.
        die alten herren wurden dô
        ze boten beide gesant
3206 in Equitâniam daz lant,
        daz si den guoten man
        suochten und bræhten in dan.
         Nû bekumberte si daz:
        der stein dâ er ûfe saz
3211 der enwart in niht benant.
[ zurück ]