einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3879 mit listen sprach er dô zuo ir:'vrouwe, durch got saget mir, habet ir sît iht vernomen war iuwer sun sî komen, weder er sî lebende oder tôt?'3884 do ersiufte si, des gie ir nôt. si sprach: 'herre, nein ich. ich weiz wol, er hât an sich von riuwen selhe nôt geleit, ich enverneme es rehte wârheit,3889 son geloube ich niht daz er noch lebe.' er sprach: 'ob daz von gotes gebe iemer möhte geschehen daz man in iuch lieze sehen, nû saget wie: getriuwet ir doch3894 ob ir in erkandet noch?' si sprach: 'mich entriege mîn sin, ich erkande in wol, und sæhe ich in.' Er sprach: 'nû saget des ich iuch bite, weder wære iu dâ mite3899 liep oder leit geschehen, |