einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2803 wir suln turnieren als ê.mir tuot anders iemer wê daz ich iuwer künde hân, sol iuwer rîterschaft zergân. vil maneger beschirmet sich dâ mite:2808 er giht ez sî des hûses site, ist er êlîche gehît, daz er danne vür die zît sül weder rîten noch geben: er giht er sül dem hûse leben.2813 er geloubet sich der beider, vreuden unde cleider die nâch rîterlîchen siten sint gestalt und gesniten: und swaz er warmes an geleit,2818 daz giht er ez sîn wirtes cleit. er treit den lîp swâre, mit strûbendem hâre, barschenkel unde barvuoz. und daz ist ie der ander gruoz2823 den er sînem gaste gît: |