Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

8003 dô gâbet ir mir disen lîp.
        ez verdienten niemer tûsent wîp
        die gnâde dier mir habt getân.'
        er sprach 'die rede sult ir lân.
        ir habt vaste überzalt:
8008 mir ist vergolten tûsentvalt
        swaz ich ie durch iuch getete.
        nû saget mir, liebe vrou Lûnete,
        weiz sî doch daz ich ez bin?'
        sî sprach 'daz wære der ungewin.
8013 sine weiz von iu, geloubet mirz,
        zer werlte mêre wan daz irz
        der rîter mittem lewen sît.
        si bevindetz noch ze guoter zît.'
         Dô riten sî ze hûse dan,
8018 und in bekam dâ wîp noch man.
        daz envuocte ouch anders niht
        niuwan ein wunderlich geschiht,
        daz sî dâ nieman rîten sach
        unz sî ergriffen ir gemach.
8023 dô gienc vrou Lûnete
[ zurück ]