Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2923 er hiez si beide gewaltic sîn.
        Êrec was biderbe unde guot,
        ritterlîche stuont sîn muot
        ê er wîp genæme
        und hin heim kæme:
2928 nû sô er heim komen ist,
        dô kêrte er allen sînen list
        an vrouwen Ênîten minne.
        sich vlizzen sîne sinne
        wie er alle sîne sache
2933 wante zuo gemache.
        sîn site er wandeln began.
        als er nie würde der man,
        alsô vertreip er den tac.
        des morgens er nider lac,
2938 daz er sîn wîp trûte
        unz daz man messe lûte.
        sô stuonden si ûf gelîche
        vil müezeclîche.
        ze handen si sich viengen,
2943 zer kappeln si giengen:
[ zurück ]