einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4080 "sage, sint si iht verre?""nein si entriuwen, herre: si riten an dirre stunt." "war sint si?" "deist mir unkunt." dô twanc in sîn untriuwe 4085 ze grôzer herzeriuwe. dem slâfe vluochte er sêre. er sprach: "mir enwas êre niht ze teile getân, daz ich sus verlorn hân 4090 daz schœniste wîp durch gemach die mîn ouge ie gesach, vremde oder kunde. vervluochet sî diu stunde daz ich hînaht entslief." 4095 nâch den rossen er dô rief. er sprach: "swer sîne sache wendet gar ze gemache, als ich hînaht hân getân, dem sol êre abe gân 4100 unde schande sîn bereit. |