Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5524 und des ich ê hân gegert,
        des bæt ich aber, hulfez iht.
        mich dunkt, ichn überwinde niht
        daz laster unt tie schande,
        swer iuch ûz mînem lande
5529 alsô wunden siht varn.'
        er sprach 'got müeze iuch bewarn
        und gebe iu sælde und êre:
        ichn belîbe hie niht mêre.'
         Diu vrouwe aber dô sprach
5534 'sît ir versprechet mîn gemach,
        so ergib ich iuch in gotes segen:
        der kan iuwer baz gepflegen
        und ruoche iu durch sîne güete
        iuwer swærez ungemüete
5539 vil schiere verkêren
        ze vreuden unde ze êren.'
         Von danne schiet er trûrec dô
        und sprach wider sich selben sô
        'vrouwe, wie lützel dû nû weist
5544 daz tû den slüzzel selbe treist!
[ zurück ]