Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1620 nû sluoc ich doch ir man.
         Ich bin ouch ze sêre verzaget,
        daz ich mir selbe hân versaget.
        nû weiz ich doch ein dinc wol,
        des ich mich wol trœsten sol:
1625 und wirt mîn vrou Minne
        rehte ir meisterinne
        als sî mîn worden ist,
        ich wæne sî in kurzer vrist
        ein unbillîche sache
1630 wol billîch gemache.
        ezn ist nie sô unmügelich,
        bestât sî sî alsô mich
        und rætet ir her ze mir,
        swie gar ich nû ir hulde enbir,
1635 und het ich ir leides mê getân,
        sî müese ir zorn allen lân
        und mich in ir herze legen.
        vrou Minne muoz sî mir bewegen:
        ichn trûwe mit mîner vrümekheit
1640 ir niemer benemen ir leit.
[ zurück ]