einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich939 ich ensol ouch niht mê an dich gern. dû maht mich des niht wol gewern daz dû dâ gesprochen hâst. die triuwe die dû an mir begâst, die sol dir vergelten got. 944 diz wære der lantliute spot, swaz ich mich vür dise stunde arzenîen underwunde und mich daz niht vervienge wan als ez doch ergienge. 949 gemahel, dû tuost als diu kint diu dâ gæhes muotes sint: swaz den kumet in den muot, ez sî übel ode guot, dar zuo ist in allen gâch 954 und geriuwet si dar nâch. gemahel, alsô tuost ouch dû. der rede ist dir ze muote nû; der die von dir nemen wolde, sô manz danne enden solde, 959 so geriuwez dich vil lîhte doch. |