einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4586 er vuorte si vür an den wec.dar nâch reit Êrec. und als si vür daz hûs riten, niht langer daz vermiten sîne juncherren, 4591 si enliefen engegen ir herren ûz vür daz bürgetor: dâ emphiengen si in vor mit vrœlîchem schalle, wan sî wâren alle 4596 des vil vrœlîche gemeit, daz er nâch gewonheit den ritter hete gevangen. er sprach: "ezn ist niht sô ergangen als ir wænet daz ez sî" 4601 unde sagete in dâ bî vil rehte diu mære wiez ergangen wære. er sprach: "swem ich nû liep bin, der kêre dar an sînen sin 4606 daz er in emphâhe schône, |