Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7722 dâ sich die maschen strihten,
        kriuzewîs sich schihten.
        an iegelîches knophes stat
        was ein rubîn ûf gesat
        in lâsûrvarwe kasten.
7727 die steine dar ûz glasten
        einer hande garwe,
        vol liehter varwe.
        guot und gevüege
        was daz vürbüege,
7732 starc unde vil gemeit,
        ein borte zweier vinger breit,
        nâch dem zoume vollekomen
        dar an daz pherit was genomen.
        ez wâren verworht dar inne
7737 mit schœnem sinne
        die einlif edelen steine:
        der zwelfte der was eine
        vor in den zoum geleit
        in ein schîben, diu was breit,
7742 diu nider vür den zoph gie
[ zurück ]